"MUSIKA GELA" AURKEZTU DA, ORKESTRAREN HEZKUNTZA JARDUERA GUZTIAK BILTZEN DITUEN MARKA BERRIA

Orkestraren Miramongo Egoitzan ospatu den aurkezpenean Kultura sailburu eta Euskadiko Orkestrako presidentea, Blanca Urgell, zuzendari nagusia, Iñigo Alberdi, zuzendari titularra, Andrés Orozco-Estrada, Hezkuntza Departamentuaren koordinatzailea, Mikel Cañada, Gasteizko Udal Antzokien Sareko arduraduna, Marta Monfort, Kursaal Fundazioaren zuzendaria, José Antonio Echenique eta Santiago Ipiñazar, El Diario Vasco-ren ordezkaria.

MUSIKA GELA-AULA DE MÚSICA da aurrerantzean Euskadiko Orkestrak bere hezkuntza-jardueren katalogo zabala biltzeko erabiliko duen marka berria. Gasteiz eta Donostian jada finkatutako Musika Familian ziklotik hasi eta Ikastetxeentzako Jarduerak izenburupean sortutako ekimen multzoraino: Bisitak Orkestraren Egoitzara, Tailerrak ikastetxeetan eta, estreinakoz, Eskola-haurretzako kontzertuak. Guzti honen ondorio, Euskadiko Orkestra Sinfonikoa giltzarri duten 17 musika-topaketa izango dira denboraldi honetan.

Eusko Jaurlaritzako Kultura Saiburua eta Euskadiko Orkestrako presidentea den Blanca Urgellek "kultura-espazio dinamiko eta bazter ezina" bezala definitu du Musika Gela. Halaber, gizartearen kulturarenganako hurbiltzea bideratzen duen ekimena dela gaineratu du, Orkestrak zerbitzu publiko gisa betetzen duen eginkuzn garrantzizkoaren baitan kokatuz.

MUSIKA GELA duela hiru urte sortutako Hezkuntza Departamentuari esker gauzatu da. Bertatik kudeatzen dira publiko gazteari zuzenduriko proiektu guztiak eta bertatik pentsatu, hausnartu, bultzatu eta konbentzitzen da Euskadiko Orkestra Sinfonikoaren bidez musika esperientzia bizi, gozatu eta indartuko duten giza-talde berri bat sortzeko.

Musika Familian zikloa aurtengoan ere Donostian Kursaal Fundazioarekin koprodukzioan eta Gasteizen Udalaren Antzoki-Sareakin koprodukzioan burutuko da. Argudio ezberdinen bidez musikaren ezagueran sakontzen jarraitzeko baliagarri izango diren proposamen interesagarriek osatuko dute ziklo hau. Ikastetxeentzako Jarduerak atalaren baitan, azpimarragarriak dira estreinakoz ospatuko diren Eskola-haurrentzako Kontzertuak. Jarduera hau Orkestraren Egoitzan burutuko da eskola-orduetan. Honen egiturak edukia ikasgeletan aurrez lantzea ahalbidetuko du, Hezkuntza Departamenduak prestatu eta kontzertura joatekoak diren ikastetxeetako musika-irakasleei aurkeztuko dizkien gida didaktikoen bidez. Bisitak Orkestraren Egoitzara eta Tailerrak ikastetxeetan dira Orkestrak ikaslego, irakaslego eta kolektibo ezberdinen esku jarriko dituen beste ekimenak.

MUSIKA-GELA komunitate sormendun eta sortzaile berri bat sortzeko bokazioz jaio da, Orkestraren webgunea topagune harturik. MUSIKA-GELAREN bidez, informazio guzti hau kudeatu ahal izango da eta baita HAUR TXOKOA esku-hartu ere, nahi duen orok, jolas interaktibo ezberdinen bidez, mundu sinfonikoaren inguruan gauza gehiago ezagutzeko sortutako eremua.

Informations additionnelles