EUSKADIKO ORKESTRA SINFONIKOAK 2009/2010 DENBORALDIA ANDRÉS OROZCO-ESTRADA BERE ZUZENDARI TITULAR BERRIAREKIN IREKIKO DU

Euskadiko Orkestra Sinfonikoak egunotan jarriko du abian bere 28. Abonu-Denboraldia (gaur 23 Iruñean, etzi 24 Gasteizen, ostirala 25ean Bilbaon eta 28 eta 29an Donostian), jada bere zuzendari titularra den Andrés Orozco-Estradaren eskutik. Estreinako kontzertu-programa Euskadiko Orkestra Sinfonikoak orain hastenb duen aro berriaren erakusle argia da. Titular gisa bere lehenbiziko parte-hartzean, Andrés Orozco-Estradak estreinaldiz betetako arratsalde bat egituratu nahi izan du, horretarako Beethoven eta Mahlerrek idatzitako lehenbiziko sinfoniak, hau da, sinfoniaren arloan bi musikagile hauen debuta izan ziren obrak programatuz.

Zentzu honetan, aipagarria da programazio berriaren ezaugarrietako bat denboraldi oso sinfonikoa marraztu izana dela, etengabe asmo honi erantzuten dioten eta errepertorio erromantiko zein klasikotik eratorriak diren obra handien interpretazioarekin. Horien artean, Denboraldia irekiko duten Beethoven eta Mahlerren lehenbiziko sinfoniak.

2009/2010 Denboraldia.

Guztira hamalau kontzertu-programa izango dira denboraldi osoan zehar, ekaina bitartean, Gasteiz, Bilbao, Donostia eta Iruñean aurkeztuko direnak. Denboraldia kontzertu-programa inspiratuek eta musika-eszenaren izen handiek osatuko dute, azken hauen artean Hélène Grimaud, Janine Jansen edo Frank Peter Zimmermann bezalako bakarlarikak eta Paul McCreesh, Yakov Kreizberg edo Lawrence Foster zuzendari gonbidatuak izango direlarik. Gainera, Andrey Boreyko Orkestraren Zuzendari Printzipal Gonbidatu berriak Denboraldi berriko bi programa zuzenduko ditu.

Denboraldiko gainerako jarduerei dagokienez, Euskadiko Orkestrak irteera bakar bat burutuko du, Madrilgo Auditorio Nazionalera. Gainera, ekimen ugari burutzen jarraituko du, horien artean nobedade garrantzitsuak, esaterako "Musika Laborategi" baten sorkuntza, diska-ekoizpenen ildo berri baten hasiera eta J. Guridiren "Mirentxu" operaren aurkezpnea eta ondorengo grabaketa.

Euskadiko Orkestra Sinfonikoak Estatuko orkestra sinfonikoen artean erreferentziazkoak diren zenbakiekin ekingo dio denboraldi berriari. 7.000 abonatu fideletaz gain, %92ko okupazioa du bere jardueretan eta baita 600 lagun inguruko itxarote-zerrenda ere. Euskadiko Orkestrak 3 milioi ikusle hartzera eta 3.000 ikusgarri ematera iristear dagoela ekingo dio bere 28. denboraldiari.

Kontzertuak
Irailak 23: Baluarte Auditorioa, Pamplona-Iruñea. 20:00h.
Irailak 24: Principal Antzokia. Vitoria-Gasteiz. 20:00h.
Irailak 25: Euskalduna Jauregia, Bilbao. 20:00h.
Irailak 28 eta 29: Kursaal Auditorioa. Donostia-San Sebastián. 20:00h.

Egitaraua
L.V. Beethoven: 1. Sinfonia
G. Mahler: 1. Sinfonia, "Titán"

Andrés Orozco-Estrada, zuzendaria

Informations additionnelles