Euskadiko Orkestra Sinfonikoak kontzertu programa berri batean aurkezten ditu: Nicholas Angelich pianista, "Munduko lorerik handiena"ren bere estreinaldia eta VII. AEOS-BBVA Fundazioaren Konposizio Saridun obra

Bihar ostirala, urtarrilaren 27an, hasi eta otsailaren 2 ostegunera bitartean, Euskadiko Orkestra Sinfonikoak Abonu programa berri bat aurkeztuko du. Argudioz beteriko programa izango da: batetik, Nicholas Angelich pianista bakarlari gonbidatu izango du estreinakoz; Beethovenen errepertorioan eskarmentuduna, horren Pianorako 4. kontzertua joko du. Bestetik, Donostia eta Gasteizen, Emilio Aragonen "La flor más grande del mundo" (munduko lorerik handiena) obraren bertsioa estreinatuko du, Soinu Mosaikoa proiektuaren baitan Orkestrak eta Gautena, Aspace eta Uliazpiko kideek partekatutako urtebeteko lanaren emaitza. Bilbo eta Iruñean, aldiz, Orkestrak VII. AEOS-BBVA Fundazioaren Konposizio Sarian garaile suertatu zen lana interpretatuko du: Fernando Buideren "Fragmentos del Satiricón", alegia.Lau hiriburuetan egitaraua osatuz, P.I. Tchaikovskyren "Romeo eta Julieta" obertura-fantasia izango da entzungai. Hau guzti hau Ainars Rubikis maisuak zuzenduko du.

Kontzertuak
Urtarrilaren 27 eta 30ean. Donostiako Kursaal Auditoriuma, 20:00etan.
Urtarrilaren 31n. Iruñeako Baluarte Auditoriuma, 20:00etan.
Otsailaren 1an. Bilboko Euskalduna Jauregia, 20:00etan.
Otsailaren 2an. Gasteizko Principal Antzokia, 20:00etan.

Abonu Denboraldiko kontzertu hauetarako sarrerak salgai daude orkestraren webgunean (www.euskadikoorkestra.eus), kontzertu aretoetako webgune nahiz leihatiletan eta baita gainerako salguneetan ere. 7€tik gora.