Mardi 21 janvier, 2020

Treviñok Mahlerren ‘Lurraren kanta’ izugarria zuzenduko du Euskadiko Orkestraren hurrengo kontzertu-programan

Treviñok Mahlerren ‘Lurraren kanta’ izugarria zuzenduko du Euskadiko Orkestraren hurrengo kontzertu-programan

Jennifer Johnston mezzosopranoak eta Corby Welch tenorrak defendatuko dute konpositore bohemiarraren obra handi honen zati bokala Ravelen ‘Une barque sur l’océan’ eta ‘La Valse’ obren orkestra-bertsioek osatuko duten programa batean.

Gainera, Euskadiko Orkestra Parisen estreinatuko da programa honekin larunbat honetan, urtarrilak 25, Théâtre des Champs-Élysées prestigiodunean izango den kontzertu batean.

Robert Treviño zuzendari titularrak Euskadiko Orkestra Sinfonikoaren buru jarraitzen du Lurra izeneko hurrengo kontzertu-programa eskaintzeko. Bertan, Gustav Mahlerren Lurraren kanta izango da obra nagusia, eta aurretik Maurice Ravelen bi orkestra-lanek osatuko dute egitaraua: Une barque sur l'océan eta La Valse. Kontzertuak toki eta egunotan izango dira: Donostiako Kursaal Auditoriumean asteazkenean, urtarrilak 22, eta asteazkenean, urtarrilak 29 (greba orokorraren deialdia dela-eta, bigarren data aurreratu egin da kontzertua egingo dela bermatzeko); Bilboko Euskalduna Jauregian ostegunean, urtarrilak 23; eta Gasteizko Principal Antzokian ostiralean, urtarrilak 31. Guztiak 20:00etan izango dira.

Azken urteotan, Robert Treviño Gustav Mahlerri lotuta ikusi dugu maiz. Euskadiko Orkestra Sinfonikoaren zuzendari titularra aitorpenak lortu eta lortu ari da mundu osoan, mahlerzale nabarmena den aldetik; Londreseko Orkestra Sinfonikoarekin, Zuricheko Tonhalle Orkestrarekin edota Municheko Filarmonikoarekin debutatzeko, Mahlerren musika hautatu zuen. Programa honetan kontzertuen bigarren zatian Lurraren kanta handiari helduko dio, Euskadiko Orkestra Sinfonikoaz bere historian lehendabizikoz joko duen obra. Konpositoreak bere bizitzako unerik mingarrienetako batean idatzi zuen, eta bizitzaren gozamenak goraipatzen dituzten eta galeraren eta heriotzaren gainean hausnartzen duten sei abestiz osatuta dago. Treviñok musikagile bohemiarraren musikan adituak diren beste bi lagun izango ditu alboan: Jennifer Johnston mezzosopranoa, sinfonietako bakarlari zatiak abestu dituena Cleveland edo Vienako Filarmonika bezalako orkestrekin; eta Corby Welch, Wagnerren operak interpretatzeko alemaniar antzokietan oso eskatua dagoen Heldentenor bat.

Kontzertuen lehen zatia Maurice Ravelek prestatu zituen Une barque sur l'océan eta La Valse lanen orkestrarako bertsioek osatuko dute. Pieza hauek miresgarriak dira, tinbrea irudimen handikoa izateaz gain, aberats-aberatsak baitira tresna-koloreei dagokienez. Lehenak espiritu inpresionista dauka eta itsasaldi mugitua proposatzen du, baina La Valse, Lehen Mundu Gerra amaitu eta gutxira bukatua, harago doa balsaren sorrera, goieneko unea eta suntsiketa irudikatu baitzituen, eta horrekin, dantza horren arrakasta bizi zuen gizartearen balioen sorrera, goieneko unea eta suntsiketa.

Sarrerak salgai (10€tik 35€ra). Kontzertu hauetarako sarrerak salgai daude euskadikoorkestra.eus webgunean eta kontzertu-aretoetako webguneetan zein leihatiletan. "Azken ordu gaztea": 30 urtetik beherako lagunek aukera izango dute gune guztietako sarrerak 10€tan erosteko, kontzertua hasi baino 30 minutu lehenago (leihatilan).

 

Egitaraua

 

Maurice Ravel:
Une barque sur l'océan [7’]
La Valse [12’]

Gustav Mahler:
Lurraren kanta [63’]

Robert Treviño, zuzendaria
Jennifer Johnston, mezzosopranoa
Corby Welch, tenorra
Euskadiko Orkestra Sinfonikoa

 

 

Orkestraren estreinaldia Parisen

 

Gainera, Euskadiko Orkestra Sinfonikoa Parisen estreinatuko da larunbat honetan, urtarrilak 25, Théâtre des Champs-Élysées sonatuan. Bosgarren kontzertu-programa honen gehiengoarekin bat datorren egitarauarekin aurkeztuko da bertan, nahiz eta aldaketa bat egongo den: Ravelen Une barque sur l’océanen ordez, euskal konpositore beraren Rapsodie espagnole eskainiko du Orkestrak, Denboraldiko hirugarren kontzertu-programan interpretatu zuen obra.

 

 

Donostiako bigarren kontzertuaren data-aldaketa

 

Greba orokorraren deialdia dela-eta, Donostiako Kursaal Auditoriumean hasiera batean urtarrilaren 30ean egitekoa zen kontzertua urtarrilaren 29ra aurreratu da, kontzertua ospatuko dela bermatzeko.

Prochains événements

Concerts & Billetterie décembre

1 Ma
2 Me
3 Je
4 Ve
5 Sa
6 Di
7 Lu
8 Ma
9 Me
10 Je
10 décembre, 2020 Jeudi, 17:30 h.
Saison symphonique Énigmatique Robert Treviño Donostia / San Sebastián
Énigmatique
10 décembre, 2020 Jeudi, 19:30 h.
Saison symphonique Énigmatique Robert Treviño Donostia / San Sebastián
Énigmatique
11 Ve
11 décembre, 2020 Vendredi, 17:30 h.
Saison symphonique Énigmatique Robert Treviño Vitoria/Gasteiz
Énigmatique
11 décembre, 2020 Vendredi, 19:30 h.
Saison symphonique Énigmatique Robert Treviño Vitoria/Gasteiz
Énigmatique
12 Sa
12 décembre, 2020 Samedi, 17:30 h.
Saison symphonique Énigmatique Robert Treviño Donostia / San Sebastián
Énigmatique
12 décembre, 2020 Samedi, 19:30 h.
Saison symphonique Énigmatique Robert Treviño Donostia / San Sebastián
Énigmatique
13 Di
14 Lu
15 Ma
16 Me
17 Je
18 Ve
18 décembre, 2020 Vendredi, 19:00 h.
Autres activités Concert à Getxo Juan José Ocón Getxo Acheter des billets
Concert à Getxo
19 Sa
19 décembre, 2020 Samedi, 11:00 h.
Matinées de Miramon Matinée 6: Kuadrilla Lagunak Donostia / San Sebastián
Matinée 6: Kuadrilla Lagunak
20 Di
21 Lu
22 Ma
23 Me
24 Je
25 Ve
26 Sa
27 Di
28 Lu
29 Ma
30 Me
31 Je