Kontzertu Hezigarrien Antolatzaileen Sarearen (ROCE) III. Topaketa

Uztailaren 5, 6 eta 7an ROCE Kontzertu Hezigarrien Antolatzaileen Sareak antolatutako III. Topaketa izango da Valladolideko Miguel Delibes Auditorioan. 2010an Granadan izandako topaketa proiektu hezitzaileen kudeaketaren ingurukoa izan bazen eta 2011an Donostian egungo testuinguruaren ezagutzaren garrantzia, lidergo sendo baten beharra edo burutzen dituzten jardueretan erakunde ezberdinen balioak eta filosofiaren benetazko eragina aztertu baziren, aurtengoan kontzertu hezigarri baten sorkuntza izango da hizpide.

Eztabaidarako lau arlo finkatu dira: idea, kontzeptua eta gidoia; errepertorioa, interpretazioa eta eszena; eta formakuntza. Helburu gisa, berriz, martxan dauden proiektuak ezagutzea, kontzertu hezigarriak abian jarri, garatu eta ebaluatzerakoan eragina duten faktore ezberdinak aztertu, ildo garrantzizkoenak ezagutu eta proiektu berriak bultzatzea.

ROCE Topaketa espazio irekia da kontzertu hezigarrien edo hezkuntza zein musikaren zabaldundearekin harremana duten bestelako jardueren inguruan jarduera, ardura edo konpromezurik duten erakunde guztientzat. Gainera, gai honekiko interesa duen orori ere zuzentzen zaio.

Topaketara bertaratu ahal izateko beharrezkoa izango da aurretik izena ematea. Horretarako ROCE-ren webgunean (www.rocemusica.org) eskuragarri dagoen formularioa bete behar da. Izen ematearen zenbateako 30 eurokoa da.