Euskadiko Orkestrak “Dantzak eta ijitokeriak” izenburupean itxiko du bere kontzertu denboraldia

Ekainaren 14 eta 15ean Donostiako Kursaal Auditorioan izango diren kontzertuekin amaituko da Euskadiko Orkestraren 2011/2012 Abonu Denboraldia. "Dantzak eta ijitokeriak" izenburupean, kontzertu hauek interesgarri bilakatzen dituzten argudio ezberdinak biltzen dituzte: Dantzari baten ametsa edo Escudero maisuari omenaldia bere jaiotzaren mendeurrenean; Ravelen Tzigane, Saint-Saënsen Introduction et Rondo Capriccioso eta Sarasateren Fantasia Bizeten Carmen-en inguruan 2010.ean Orkestrarekin debutan izandako arrakastaren ostean berriz ere gurera datorren Leticia Moreno biolinjotzailaren eskutik; eta amaitzeko, Bernsteinen West Side Story-ko dantza sinfonikoak.

Leticia Morenok 2010eko maiatzan egin zuen debuta Euskadiko Orkestrarekin batera, Edouard Laloren Symphonie espagnole obra interpretatu zuelarik. Bere emanaldiak txalo zaparrada galanta jaso zuen eta biharamunean kritikak "itzela erabat eta hiper adierazkorra", "pasioz betea" eta "zihurra, dotorea eta sentikorra" bezalako adjektiboak eskaini zizkion. Oraingoan hiru partiturakin dator Kursaalera: Ravelen Tzigane ezohikoa, Saint-Saënsen Introduction et Rondo Capriccioso eta Sarasateren Fantasia Bizeten "Carmen"en inguruan, aurrekoa ere Sarasateri eskainia izan zelarik. Leticia Morenok Gironako Printzea Fundazioak IMPULSA Artea eta Letrak 2012 saria eman berri diote. Sari honetako epaimahaiak bere doitasun teknikoa, indar eszenikoa eta artista gisa duen etorkizuna balioztatu ditu eta bere ibilbidea babestea erabaki du gainera.

Andrés Orozco-Estrada Leipzigeko Gewandhaus orkestra zuzendu berri duela itzuli da gurera. Euskadiko Orkestraren Titular gisa aipatu obrez gain Francisco Escuderoren Dantzari baten ametsa, donostiar konpositorearen omenaldi gisa bere jaiotzaren mendeurrenean, West Side Story-ren Dantza Sinfonikoak. Musikal honek New Yorkeko kaleetara eraman zuen Romeo eta Julietaren istorioa eta honi esker nazioarteko ospea lortu zuen Leornard Bernstein bere egileak.

Kontzertuen aurretik, eskola-haurrei zuzendutako Entsegu Irekia. Orkestraren Musika Gelako jardueren baitan, ostegunean, hilak 14, goizez, Euskal Autonomi Erkidegoko ikasleei zuzendutako entsegu irekia izango da Kursaalean. Jarduera honetan esku-hartzeko ikastetxe ezberdinetako 500 ikaslek eman dute izena.

Kontzertu hauekin isten den Denboraldian, bederatzi hilabetez eta 100 kontzertuetan, biolinak, pianoak, musika sinfoniko-koralak zein biolontxeloak orkestra batek atril-kide ez ohikoak dituen literatura, perkusioa eta txalapartarekin partekatu dute beren espazioa. Emanaldi hauen ondoren, Euskadiko Orkestra MUSIKA IREKIA lemarekin aurkezten den 2012/2013 denboraldi berriari begira izango da jada.