Miloš gitarrajotzaileak master class bat eskainiko die Musikeneko ikasleei

Aula Jordá Gela, Euskadiko Orkestrak eta Musikenek sinatutako lehentasunezko lankidetza-hitzarmenaren baitan, urtarrilaren 30ean Euskal Herriko Goi Mailako Musika ikastegiko hiru gitarra ikaslek Miloš gitarrista Orkestraren Miramongo egoitzan eskainiko duen master class delakoan esku-hartzeko aukera izango dute. Orkestrak eta Musikenek 2011/2012 denboralditik burutzen dituzten jarduera hauek beren formakuntza osotzeko aukera ematen diete etorkizunean musikari profesional bilakatuko diren ikasleei, artista gailenekin harremana izateko aukera edo Orkestraren kontzertuetan instrumentista gisa aritzeko aukeraz izaten dutelarik.

Aurrez Musikeneko bereiztasun ezberdinetako hainbat ikaslek lehen mailako musikariek eskainitako master class-etan jarduteko aukera izan dute. Miramongo egoitzan aritu ziren irakasle Martin Fröst klarinetejotzailea, Andrés Orozco-Estrada eta José Miguel Pérez Sierra zuzendariak edo Wolfram Christ, zuzendari eta Berlingo Orkestra Filarmonikoko biola bakarlaria.